Күйеуі өртеп жіберген әйелдің тізеден төменгі жағы ғана сау қалған

zakon.kz/4989192-k-yeu-rtep-zh-bergen-yeld-t-zeden-t.html

Дәрігердің айтуынша, науқас қазір шок жағдайында – не болып, не қойғанын білмейді де, ұғынбайды да.

Сурет : pxhere.com

Нұр-Сұлтанда күйеуі далаға апарып, үстіне бензин құйып өртеп жіберген әйелдің жағдайы өте ауыр, – деді Травматология және ортопедия ғылыми зерттеу институтының реаниматолог-дәрігері Татьяна Лебига, деп хабарлайды Zakon.kz.

– Күйік шалған әйел бізге 6 қазанда келіп түсті. Денесінің 75 процентін күйік шалған. Науқастың жағдайы өте ауыр. Тыныс алу жолдарын да күйік шалған. Конъюнктивті күйіктің ІІ-ІІІ дәрежесі, – деді Травматология және ортопедия институтының реаниматолог-дәрігері Татьяна Лебига.

Оның айтуынша, науқас қазір шок жағдайында не болып, не қойғанын білмейді де, ұғынбайды да.

– Науқасты шок жағдайдан шығару үшін терапия жүргізіледі. Ол есін біледі, сөзді естиді, бірақ өзінің қандай күйде екеніне баға бере алмайтын жағдайда секілді. Оған үнемі ауруды басатын дәрілер берілуде, оған қоса әйел адам жасанды тыныс алу аппаратына қосылған. Қан қысымын да қолдан ұстап тұрмыз, – деді дәрігер.

Оның айтуынша, қазір қандай да бір болжам айту өте қиын, өйткені ІІІ-IV дәрежелі күйік дегеннің өзі көп нәрсені айтып тұр.

– 75 проценті күйіп кеткен дененің. Сау дегені – шашы, яғни бас терісі, беті, одан соң тізеден төменгі жағы. Ал қалған жерінің бәрін күйік шалған. Бұл – өте қиын зақым, өмір сүреді-сүрмейді деп айту да қиындау. Бізге тек күту керек, – деді Лебига.

Оқи отырыңыз: Нұр-Сұлтанда бір еркек әйелін далаға апарып, өртеп жіберді

Тағы да: Ашынған бір еркек әйелінің көңілдесінен көп ақша өндіріп алды

Telegram арнасындағы маңызды жаңалықтар «zakon.kz». Жазылу!

Добавить комментарий

Ваш e-mail не будет опубликован. Обязательные поля помечены *